Tirumala : తిరుమలలో నేడు కంపార్ట్‌మెంట్లన్నీ నిండి శిలాతోరణం వరకూ భక్తుల క్యూ లైన్

తిరుమలలో శనివారం అంటే రద్దీగానే ఉంటుంది. శనివారం స్వామి వారిని దర్శించకుంటే మంచిదని అందరూ భావిస్తారు. ఈరోజు తిరుమలలోని వైకుంఠం క్యూ కాంప్లెక్స్‌లోని అన్ని కంపార్ట్‌మెంట్లు భక్తులతో నిండిపోయాయి. క్యూ లైన్ శిల్పతోరణం వరకూ విస్తరించింది. ఉచిత దర్శనం క్యూ లైన్ లోని భక్తులకు శ్రీవారి దర్శనం ఇరవై నాలుగు గంటల సమయం పడుతుంది. టైమ్ స్లాట్ భక్తులకు శ్రీవారి దర్శనం ఐదు గంటల నుంచి ఆరు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం నాలుగు నుంచి ఐదు గంటల సమయం పడుతుంది. నిన్న తిరుమల శ్రీవారిని 62,625 మంది భక్తులు దర్శించుకున్నారు. వీరిలో 34,462 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.63 కోట్ల రూపాయలు వచ్చిందని తిరుమల తిరుపతి దేవస్థానం అధికారులు తెలిపారు.