Tirumala : ఈరోజు తిరుమలలో రద్దీ మామూలుగా లేదుగా?
తిరుమలలో భక్తుల రద్దీ ఒక్కసారిగా పెరిగింది. ఈరోజు ఆదివారం మాత్రం భక్తుల రద్దీ ఎక్కువగా ఉంది
తిరుమలలో భక్తుల రద్దీ ఒక్కసారిగా పెరిగింది. నిన్న శనివారం కొంత తగ్గినట్లు కనిపించినా ఆదివారం మాత్రం భక్తుల రద్దీ ఎక్కువగా ఉంది. దసరా సెలవులకు ముందే భక్తులు పెద్దయెత్తున తిరుమలకు పోటెత్తుతుండటంతో తిరుమల తిరుపతి దేవస్థానం అధికారులు అందుకు తగినట్లు ఏర్పాట్లు చేస్తున్నారు. భక్తులకు ఎలాంటి ఇబ్బందులు లేకుండా చూసేందుకు అన్ని చర్యలు ప్రారంభమయ్యాయి. సహజంగా ఆదివారం నాడు తిరుమలలో రద్దీ ఎక్కువగా ఉంటుంది. కానీ గత కొద్ది రోజుల నుంచి తక్కువగా ఉన్న భక్తుల సంఖ్య ఒక్కసారిగా పెరగడంతో అధికారులు కూడా అప్రమత్తమయ్యారు. తిరుమల వీధులన్నీ భక్తులతో కిటకిటలాడిపోతున్నాయి. స్వామి వారి దర్శనం కూడా గంటల తరబడి సమయం వేచి చూడాల్సి వస్తుందని భక్తులు తెలిపారు. క్యూ లైన్ లోకే అన్న ప్రసాదాలు, మంచినీరు తెచ్చిస్తున్నా భక్తులు మాత్రం తక్కువగా లేకపోవడంతో కొంత ఇబ్బందులు పడక తప్పడం లేదు. తిరుమలలో వసతి గృహాలు దొరకడం కూడా కష్టంగా మారింది.