Tirumala : ఆదివారం.. తిరుమల రద్దీ మామూలుగా లేదుగా

ఈరోజు తిరుమలలోని వైకుంఠం క్యూ కాంప్లెక్స్‌లోని ఇరవై నాలుగు కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారని అధికారులు వెల్లడించారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్వనం పది నుంచి పన్నెండు గంటల సమయం పడుతుందని అధికారులు తెలిపారు. ఉచిత దర్శనం క్యూ లైన్ లోని భక్తులకు శ్రీవారి సేవకులు అన్న ప్రసాదాలను అందచేస్తున్నారు. నిన్న తిరుమల శ్రీవారిని 77,995 మంది భక్తులు దర్శించుకున్నారు. వీరిలో 30,250 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారని అధికారులు తెలిపారు. నిన్న తిరుమల శ్రీవారి హుండీ ఆదాయం 3.72 కోట్ల రూపాయలు వచ్చిందని తిరుమల తిరుపతి దేవస్థానం అధికారులు వెల్లడించారు.