Tirumala : తిరుమలలో ఏడాది చివరి రోజు రద్దీ ఎలా ఉందంటే?

తిరుమలలో ఎప్పుడూ భక్తులతో కళకళలాడుతుంది. వీధులన్నీ నిండిపోయి కనిపిస్తాయి. కానీ రెండు రోజుల నుంచి ఖాళీగానే దర్శనమిస్తున్నాయి. ఏడాది చివరి రోజు కావడంతో ఎక్కువ మంది తిరుమలకు రాలేదని అధికారులు తెలిపారు. ఈరోజు దేశ వ్యాప్తంగా న్యూ ఇయర్ వేడుకలను జరుపుకుంటున్నందున తిరుమల క్షేత్రంలో నేడు భక్తుల రద్దీ బాగా తగ్గింది. కంపార్ట్ మెంట్లన్నీ ఖాళీగానే దర్శనమిస్తున్నాయి. ఈరోజు తిరుమలకు వచ్చిన భక్తులకు స్వామి వారి దర్శనం సులువుగానే పూర్తవుతుంది. భక్తులు ఎక్కువ సమయం వేచి ఉండకుండానే నేరుగా స్వామి వారి వద్దకు వెళ్లే వీలవుతుంది. అదే సమయంలో స్వామి వారి చెంత కూడా కొద్దిసేపు ఉండేందుకు నేడు ఉపయోగపడుతుంది. భక్తుల సంఖ్య తక్కువగా ఉండటంతో సిబ్బంది కూడా తనివితీరా వైకుంఠవాసుడిని చూసి తరించేందుకు అవకాశమిస్తున్నారు. అయితే ఈరోజు రాత్రి తిరుమల క్షేత్రంలో గడపాలని వచ్చే వారు కూడా అనేక మంది ఉన్నారు. వసతి గృహాలు కూడా సులువుగానే దొరుకుతుండటంతో భక్తులు ఆనందం వ్యక్తం చేస్తున్నారు. పెద్దగా రష్ లేని సమయంలోనే వచ్చి స్వామి వారిని దర్శించుకోవడం అనిర్వచనీయమైన అనుభూతి అంటూ గోవింద నామస్మరణలతో భక్తులు ఊగిపోతున్నారు.

ఇప్పుడు Desh Telugu Keyboard యాప్ సహాయంతో మీ ప్రియమైన వారికి తెలుగులో సులభంగా మెసేజ్ చెయ్యండి. Desh Telugu Keyboard and Download The App Now