YSRCP : జగనూ బీ అలెర్ట్... వాళ్లు కొంపముంచేటట్లున్నారు భయ్యా? ఆపడం కష్టమేనేమో?

మొన్నటి ఎన్నికల్లో రాజంపేట నుంచి మిధున్ రెడ్డి విజయం సాధించారు. మిధున్ రెడ్డి ఎట్టిపరిస్థితుల్లో పార్టీని వీడే అవకాశం ఉండదు. ఇక కడప పార్లమెంటు నుంచి వైఎస్ అవినాష్ రెడ్డి కూడా ఉన్నారు. ఆయన కూడా వైఎస్ జగన్ ను వదలిపెట్టే అవకాశం ఎంత మాత్రం లేదు. సో వీరిద్దరి విషయంలో ఎలాంటి సందేహాలు ఎవరికీ లేవు. ఇక తిరుపతి ఎంపీ గురుమూర్తి కూడా వైఎస్ జగన్ కు అత్యంత నమ్మకమైన వ్యక్తి. జగన్ పిలిచి ఎంపీని చేశారు. దీంతో గురుమూర్తి కూడా పార్టీ గేటు దాటి బయటకు వెళ్లే అవకాశం లేదు. మొన్నటి ఎన్నికల్లో అరకు పార్లమెంటు నుంచి చెట్టి తనూజా రాణి వైసీపీ నుంచి విజయం సాధించారు. ఈ విషయంలో కొంత ఆలోచించాల్సిన విషయమని వైసీపీ నేతలు అభిప్రాయపడుతున్నారు.

వైసీపీ రాజ్యసభ సభ్యులుగా వైవీ సుబ్బారెడ్డి, గొల్ల బాబూరావు, మేడా రఘునాధరెడ్డి, విజయసాయిరెడ్డి, ఆర్. కృష్ణయ్య, ఎస్. నిరంజన్ రెడ్డి, బీద మస్తాన్ రావు, ఆళ్ల అయోధ్య రామిరెడ్డి, మోపిదేవి వెంకటరమణ, పిల్లి సుభాష్ చంద్రబోస్, పరిమళ్ నత్వాని ఉన్నారు. మొత్తం పదకొండు మందిలో నలుగురైదుగురు పార్టీ మారే అవకాశముందన్న సంకేతాలు వినిపిస్తున్నాయి. జగన్ నమ్మకంగా ఇచ్చిన వాళ్లే నట్టేట ముంచి బీజేపీలోకి జంప్ అయ్యే అవకాశాలు కనిపిస్తున్నాయి. ఒకరిద్దరు రాజ్యసభ సభ్యులు టీడీపీ వైపు కూడా చూస్తున్నట్లు తెలిసింది. గతం చూసి కాకుండా కేవలం వివిధ కోణాల్లో రాజ్యసభ పదవులు ఇవ్వడం వల్ల ఇప్పడు వాళ్లు పార్టీ ఓడిపోయిన తర్వాత జారుకుంటారన్న ప్రచారం మాత్రం జోరుగా సాగుతుంది. మరి ఎవరు ఉంటారు? ఎవరు వెళతారు? అన్నది త్వరలోనే తెలియనుంది.