గుడ్‌న్యూస్‌.. 3 నెలల గడువు పొడిగింపు

ఆధార్‌ సంస్థ యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) కీలక నిర్ణయం తీసుకున్న విషయం తెలిసిందే. ఆధార్‌ అప్‌డేట్‌ను ఉచితంగా చేసుకునేందుకు సెప్టెంబర్‌ 14 వరకు గడువు ఉన్న విషయం తెలిసిందే. అయితే 14వ తేదీ తర్వాత ఆధార్‌ అప్‌డేట్‌ చేసుకున్నట్లయితే 50 రూపాయల రుసుము చెల్లించాల్సి ఉంటుంది. అయితే ఉచిత ఆధార్‌ అప్‌డేట్‌ చేసుకునేందుకు గడువును మూడు నెలల పాటు పొడిగిస్తూ కీలక నిర్ణయం తీసుకుంది ఆధార్‌ సంస్థ. ఇప్పుడు మరో మూడు నెలల పాటు ఆధార్‌ను అప్‌డేట్ చేయడానికి ఎలాంటి రుసుము చెల్లించాల్సిన అవసరం లేదు. ఇది వరకు చివరి తేదీ 14 సెప్టెంబర్ 2023 ఉండగా,దానిని డిసెంబర్‌ 14 వరకు పొడిగించింది. గడువు పొడిగించాలని వినియోగదారుల నుంచి విజ్ఞప్తులు అందడంతో పొడిగింపు నిర్ణయం తీసుకున్నట్లు యూఐడీఏఐ తెలిపింది. ఇప్పుడు 15 సెప్టెంబర్ నుంచి డిసెంబర్ 14 వరకు myAadhaar పోర్టల్ ద్వారా ఆధార్‌ను ఉచితంగా అప్‌డేట్ చేసుకోవచ్చు.