Gold Price Today : పసిడి ప్రియులకు బంగారం ఇలా షాకిస్తున్నదేమిటి?

ఏప్రిల్ నెలలో మళ్లీ పెళ్లిళ్లు జోరుగా సాగుతున్నాయి. ఇప్పటికే ముహూర్తాలు పెట్టుకున్న వారంతా బంగారం కొనుగోలు చేయడానికి జ్యుయలరీ దుకాణాలకు వచ్చి ధరలను చూసి ఆందోళన చెందుతున్నారు. బంగారంతో పాటు వెండి ధరలు కూడా పరుగులు పెడుతున్నాయి. అసలు బంగారం ధరలు పెరగడానికి కేవలం అంతర్జాతీయ ధరల ఒడుదుడుకులు మాత్రమే కాదు.. భారీగా డిమాండ్ పెరగడం కూడా ఒక కారణం. ఏ వస్తువుకైనా డిమాండ్ పెరిగితే ధరలు ఆటోమేటిక్ గా పెరుగుతాయి. అది వ్యాపారంలో నైజం. ఇక బంగారం విషయంలో మాత్రం పేద నుంచి ధనవంతుల వరకూ కొనుగోలు చేయాలని భావిస్తుండటం ధరల పెరుగుదలకు కారణమవుతుంది.

బంగారం, వెండి ధరలు అదుపు చేయడం, ధరలను నియంత్రణలో ఉంచడం ఎవరి చేతుల్లో ఉండదు. ఎందుకంటే అనేక కారణాలు ధరల పెరుగుదలకు దోహదపడుతుంటాయి. ఈరోజు దేశంలో బంగారం ధరలు పెరిగాయి. వెండి ధరల్లో కూడా స్వల్ప తగ్గుదల కనిపించింది. పది గ్రాముల బంగారం ధరపై పది రూపాయలు పెరిగింది. కిలో వెండి ధరపై వంద రూపాయలు తగ్గింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. ఉదయం ఆరు గంటలవరకూ నమోదయిన ధరలు మాత్రమే. మధ్యాహ్నానికి ధరల్లో మార్పులుండవచ్చు. 22 క్యారెట్ల పది గ్రాముల బంగారం ధర 82,360 రూపాయలకు చేరుకుంది. 24క్యారెట్ల పది గ్రాముల బంగారం ధర 89,850 రూపాయలుగా నమోదయింది. కిలో వెండి ధర 1,10,900 రూపాయలకు చేరుకుంది.