బస్సు కిందకు దూసుకెళ్లిన కారు.. ముందు భాగం ధ్వంసం

వరంగల్ నగరంలో గురువారం మధ్యాహ్న సమయంలో రోడ్డు ప్రమాదం జరిగింది. పాదచారులు, వాహనదారులు అందరూ చూస్తుండగానే.. వేగంగా వచ్చిన కారు ఆర్టీసీ బస్సు కిందకు దూసుకెళ్లింది. ఈ ప్రమాదంలో కారు నడుపుతున్న వ్యక్తి అక్కడికక్కడే మృతి చెందాడు. ఈ ఘటనపై సమాచారం అందుకున్న పోలీసులు.. అక్కడికి చేరుకుని కారులో ఇరుక్కుపోయిన మృతదేహాన్ని బయటికి తీసి, పోస్టుమార్టం నిమిత్తం ప్రభుత్వాస్పత్రికి తరలించారు. అనంతరం బస్సు వెనుక భాగంలో ఇరుక్కుపోయిన కారును బయటకు తీశారు.