చిత్తూరు జిల్లాలో ఘోర అగ్నిప్రమాదం.. ముగ్గురు మృతి

చిత్తూరు జిల్లాలో బుధవారం తెల్లవారుజామున ఘోర అగ్నిప్రమాదం జరిగింది. ఈ ప్రమాదంలో తండ్రీ కొడుకులు సహా ముగ్గురు సజీవదహనమయ్యారు. చిత్తూరులోని రంగాచారి వీధిలో తెల్లవారుజామున 2 గంటల సమయంలో ఈ ఘటన చోటుచేసుకుంది. పోలీసులు తెలిపిన వివరాల మేరకు.. భాస్కర్ (65) ఉన్న రెండంతస్తుల భవనంలో గ్రౌండ్ ఫ్లోర్లో పేపర్ ప్లేట్ల తయారీ యూనిట్ నిర్వహిస్తున్నాడు. రెండో అంతస్తులో వారు నివాసం ఉంటున్నారు. రాత్రి నిద్రలో ఉన్న సమయంలో.. పేపర్ ప్లేట్ల తయారీ యూనిట్‌లో మంటలు చెలరేగి.. క్షణాల్లోనే మంటలు రెండవ అంతస్తుకు వ్యాపించాయి.