ఆన్ లైన్ లో జూబ్లీహిల్స్‌ గ్యాంగ్ రేప్ వీడియోలు

జూబ్లీహిల్స్ సామూహిక అత్యాచారం ఘటన వీడియోలు, ఫొటోలు ఇప్పటికీ సామాజిక మాధ్యమాల్లో చలామణీ అవుతున్నాయి. దీనిపై బాధిత కుటుంబం మహిళా పోలీసు విభాగాన్ని ఆశ్రయించింది. ఫొటోలు, వీడియో లింక్ ల వివరాలను అందించింది. ఆయా ఫొటోలు, వీడియోలు తొలగించాలని కోరుతూ సామాజిక మాధ్యమ సంస్థలను హైదరాబాద్ సిటీ పోలీసులు లిఖితపూర్వకంగా కోరనున్నారు. వీటిని అప్ లోడ్ చేసిన వారిపై చట్టపరమైన చర్యలు తీసుకోవాలని పోలీసులు భావిస్తున్నారు. బాలిక ముఖం కనిపిస్తుండడం పట్ల బాధిత కుటుంబం ఆందోళన వ్యక్తం చేసింది. జూన్ 3, 4వ తేదీల్లో ఈ వీడియోలు, ఫొటోలను అప్ లోడ్ చేసినట్టు గుర్తించారు.