వివేకా హత్యకు మూడేళ్లు

జగన్ అధికారంలోకి వచ్చిన వెంటనే మరో టీం ను విచారణ కోసం ఏర్పాటు చేశారు. అయితే హత్యకు గల కారణాలు, నిందితులు ఎవరో తెలియకపోవడంతో వివేకా కూతురు సునీత హైకోర్టును ఆశ్రయించి సీబీఐ దర్యాప్తును కోరారు. హైకోర్టు ఆదేశాల మేరకు సీబీఐ విచారణ చేపట్టింది. సీబీఐ విచారణలో పలు ఆసక్తికరమైన విషయాలు వెలుగు చూశాయి.

బెంగళూరులోని ఒక ల్యాండ్ సెటిల్‌మెంట్ వ్యవహారంలోనే ఈ హత్య జరిగినట్లు సీబీఐ ఒక నిర్థారణకు వచ్చింది. ఈ కేసులో ఇప్పటికే ఐదుగురిని సీబీఐ అరెస్ట్ చేసింది. నిందితుడు దస్తగిరిని అప్రూవర్ గా మారాడు. అయితే ఇటీవల ఈ హత్య కేసు రాజకీయంగా అనేక మలుపులు తిరుగుతోంది. మొత్తం మీద వైఎస్ వివేకా హత్య జరిగి మూడేళ్లవుతున్నా హత్య విషయంలో ఇంకా ఒక స్పష్టత రాకపోవడం విశేషం.