పడవ ప్రమాదంలో 14 మంది మృతదేహాలు వెలికితీత..

ఫిబ్రవరి 24వ తేదీ సాయంత్రం 6 గంటలకు జామ్ తాడా నుంచి నిర్సాకు బరాకర్ నదిలో వెళ్తున్న పడవ ప్రమాదానికి గురైంది. బలమైన ఈదురుగాలులు, తుపాను.. పడవ ప్రమాదానికి ప్రధాన కారణాలని అధికారులు చెప్తున్నారు. ప్రమాద సమయంలో పడవలో మొత్తం 18 మంది ఉండగా నలుగురు ఎలాగొలా ప్రాణాలతో ఒడ్డుకు చేరుకున్నారు. మిగతా 14 మంది నదిలో గల్లంతవ్వగా.. వారికోసం పట్నా, రాంచీ ఎన్డీఆర్ఎఫ్​బృందాలు గాలింపు చేపట్టాయి. నదిలో గల్లంతైన వారి మృతదేహాలను బయటికి తీసేందుకు సుమారు ఐదురోజుల సమయం పట్టింది. నదిపై బార్బెండియా బ్రిడ్జి పనిచేస్తే ప్రమాదాన్ని నివారించవచ్చని పలువురు ప్రతిపక్ష పార్టీల నేతలు అభిప్రాయం వ్యక్తం చేశారు.