నేను బయటకు దూకా... వాళ్లు రాలేక దహనమయిపోయారు

బోయిగూడలో అగ్ని ప్రమాదం జరిగిన ఘటనపై యజమాని సంపత్ పై పోలీసులు కేసు నమోదు చేశారు. ప్రమాదం నుంచి బయటపడిన బీహార్ కార్మికుడు ప్రేమ్ కుమార్ ఇచ్చిన ఫిర్యాదుతో సంపత్ పై 304 ఎ, 337 సెక్షన్ల కింద కేసు నమోదు చేశారు. ఈ ప్రమాదంలో 11 మంది బీహార్ కార్మికులు సజీవ దహనమయ్యారు. ప్రేమ్ కుమార్ జరిగిన విషయాన్ని చెప్పారు. స్ర్కాప్ గోదాం యజమాని నిర్లక్ష్యం కారణంగానే ఈ ప్రమాదం జరిగిందని చెప్పాడు. తాము రెండేళ్లుగా గోదాములో పనిచేస్తున్నానని ప్రేమ్ కుమార్ చెప్పారు. తాము 11 మంది గోదాం మొదటి ఫ్లోర్ లో రాత్రి నిద్రించామని చెప్పారు.