రూ.2 కోట్ల విలువైన గంజాయి పట్టివేత

అనూహ్య ఘటనతో ఈ గంజాయిని పట్టుకున్న పోలీసులకు.. నిందితులెవరూ చిక్కలేదు. ఆనందపురం మండలం నీళ్లకుండీల జంక్షన్లో ఆగి ఉన్న వ్యాన్ ను మరో వ్యాన్ వచ్చి ఢీ కొట్టింది. దాంతో ఆగి ఉన్న వ్యాన్ బోల్తా పడి అందులో ఉన్న బస్తాలు బయటపడ్డాయి. వాటిని పోలీసులు పరిశీలించగా.. 57 బస్తాల్లో 2,280 కేజీల గంజాయి బయటపడింది. దాని విలువ రూ.2 కోట్లు ఉంటుందని పోలీసులు తెలిపారు. వాహనానికి నెంబర్ ప్లేటు తొలగించటంతో ఇంజన్ నెంబరు, ఛాసిస్ నెంబర్లు ఆధారంగా పోలీసులు దాని యజమానిని తెలుసుకునే ప్రయత్నం చేస్తున్నారు.