అనుమానాస్పద స్థితిలో విద్యార్థిని మృతి

నిజాంసాగర్ మండలంలోని మాగ్దుంపూర్ కి చెందిన శిరీష తల్లిదండ్రులు హైదరాబాద్ లో ఉంటున్నట్లు తెలుస్తోంది. అక్కడ పనిచేసుకుంటూ.. ఇక్కడ కూతుర్ని గురుకుల పాఠశాలలో చదివిస్తున్నారు. తల్లిదండ్రులకు దూరంగా ఉంటున్న శిరీష.. తనకు ఇంట్లో, స్కూల్లో కూడా విలువ లేదని, తనను ఎవరూ పట్టించుకోవడం లేదని మనస్తాపంతో ఆత్మహత్య చేసుకున్నట్లు సమాచారం. కాగా.. విద్యార్థిని మృతిపట్ల విచారణ జరిపించాలని గ్రామస్తులు డిమాండ్ చేస్తున్నారు. పోలీసులు ఘటనా ప్రాంతానికి చేరుకుని, కేసు నమోదు చేసి దర్యాప్తు చేస్తున్నారు.