ఎల్బీనగర్ సంతోషిమాత ఆలయంలో భారీ చోరీ

హైదరాబాద్ లో దొంగతనాలు ఎక్కువవుతున్నాయి. నిర్మానుష్య ప్రదేశాలు టార్గెట్ గా దుండగులు రెచ్చిపోతున్నారు. తాజాగా ఎల్బీనగర్ హస్తినాపురం నార్త్ జోన్ లో ఉన్న సంతోషిమాత ఆలయంలో భారీ దొంగతనం జరిగింది. దుండగులు ఆలయంలోని గర్భగుడిలోకి ప్రవేశించి, హుండీ తాళాలను పగులగొట్టి సుమారు 30 తులాల బంగారాన్ని అపహరించారు. దొంగతనం చేసే సమయంలో తమ ఆచూకీని ఎవరూ పసిగట్టకుండా ఉండేందుకు చాలా తెలివిగా సీసీ కెమెరాల వైర్లను కట్ చేశారు దుండగులు.