రెండు ఆర్టీసీ బస్సులు ఢీ.. 30 మందికి గాయాలు

భైంసా నుంచి నిర్మల్ వెళ్తున్న ఆర్టీసీ బస్సును.. అదే రోడ్డులో వెళ్తున్న మరో ఆర్టీసీ బస్సు వెనుక నుంచి బలంగా ఢీ కొట్టింది. ఈ ప్రమాదంలో 10 మంది తీవ్రంగా గాయపడగా.. మరో 20 మంది స్వల్పంగా గాయపడ్డారు. ఘటనా ప్రాంతానికి చేరుకున్న స్థానికులు 108 వాహనంలో క్షతగాత్రులను ప్రాంతీయ ఆస్పత్రికి తరలించారు. ఇద్దరు మహిళలకు కాళ్లు విరగడంతో వారిని మెరుగైన చికిత్స కోసం నిర్మల్ కు తరలించారు. పోలీసులు కేసు నమోదు చేసి, దర్యాప్తు చేస్తున్నారు.