విషాదం.. యువకుడి ప్రాణం తీసిన రమ్మీ

ఒకట్రెండుసార్లు గెలిచి.. డబ్బులొచ్చేసరికి.. ఈజీగా మనీ సంపాదించవచ్చనుకున్నాడు. రమ్మీ యాడ్లు చూసి.. ఇందులోకి దిగిన హేమంత్ కి అక్కడ ప్రకటనల్లో కనిపించేది ఒకటి.. ఇక్కడ అసలు రియల్ గేమ్ మరొకటిగా కనిపించ సాగింది. ఈ ఆట పోతే.. మరొక ఆటగా ఫీలైన హేమంత్ ఆడుతూ వెళ్లాడు. అలా రమ్మీ ఆడుతూ భారీ నష్టాలను చూశాడు. అప్పుల బెడద ఎక్కువైంది. ప్రతిరోజూ అప్పులవాళ్లు పెట్టే టార్చర్ భరించలేక.. సంపాదించే దారి కనిపించక ఆత్మహత్యే శరణ్యం అనుకున్నాడు. ఇంట్లో ఎవరూ లేని టైం చూసి.. చీరతో ఉరి వేసుకుని ఆత్మహత్య చేసుకున్నాడు. విషయం తెలిసిన పోలీసులు ఘటనా స్థలికి వచ్చి విచారించారు. హేమంత్ భార్య ఇచ్చిన కంప్లయింట్ తో కేసు నమోదు చేశారు.