నిజ నిర్ధారణ:గోవా క్యాథలిక్ ప్రీస్ట్ హిందూ మతంలోకి మారాడన్నది అబద్దం
గోవా క్యాథలిక్ ప్రీస్ట్ అని, అతను హిందూ మతంలోకి మారాడని ఒక క్రిస్టియన్ ఫాథర్ ఫోటో షేర్ అవుతోంది. క్లెయిం ఇలా సాగుతుంది
గోవా క్యాథలిక్ ప్రీస్ట్ అని, అతను హిందూ మతంలోకి మారాడని ఒక క్రిస్టియన్ ఫాథర్ ఫోటో షేర్ అవుతోంది. క్లెయిం ఇలా సాగుతుంది:" "A Goan catholic priest from a family of 400 years in Xianity, Fr Anthony Fernandes became a Hindu. The Jesuit Priest was converted at a public ceremony at Ram Krishna Temple in d ancient Hindu city. Today is the day of great joy for me, as Im no more attached to any church" he said. "
జియానిటీలో 400 సంవత్సరాలుగా ఉన్న కుటుంబానికి చెందిన గోవా క్యాథలిక్ ప్రీస్ట్, Fర్ ఆంథోనీ ఫెర్నాండెజ్ హిందూమతంలోకి మారారు అంటూ ఓ కధనం వైరల్ అవుతోంది. ఒక చిత్రాని షేర్ చేస్తూ, ఆ చిత్రం లోని వ్యక్తి అయిన గోవన్ కాథలిక్ ప్రీస్ట్ అనీ, పురాతన హిందూ నగరంలోని రామకృష్ణ దేవాలయంలో జరిగిన బహిరంగ కార్యక్రమంలో జెస్యూట్ ప్రీస్ట్ అయిన ఆయన మతం మారారు అనీ ఈ క్లెయిం సారాంశం. మతం మారాక "ఈ రోజు నాకు చాలా సంతోషకరమైన రోజు, నేను ఇకపై ఏ చర్చితోనూ అనుబంధించబడలేదు," అని అతను చెప్పాడు అని కూడా వాదిస్తున్నారు.
ఈ క్లెయిమ్ ఫేస్‌బుక్ మరియు ట్విట్టర్‌తో సహా వివిధ సోషల్ మీడియా ప్లాట్‌ఫారమ్‌లలో వైరల్ అవుతోంది.
నిజ నిర్ధారణ:
వైరల్ పోస్ట్‌లో కనిపించే చిత్రం గోవా క్యాథలిక్ ఫాథర్ ది కాదు. దావా అవాస్తవం. ఈ చిత్రం 'ఫాదర్ మాథ్యూ' అనే టివి సిరీస్‌లోనిది.
యాందెక్స్ రివర్స్ ఇమేజ్ శోధనను ఉపయోగించి చిత్రం కోసం శోధిస్తున్నప్పుడు, ఏటీ ఎం గ్రూపా వెబ్‌సైట్‌లో షేర్ చేయబడిన చిత్రం లభించింది.
వెబ్‌సైట్ ప్రకారం, డాన్ మాటియో పోలిష్ వెర్షన్, ఫాదర్ మాథ్యూ (పోలిష్‌లో ఓజ్సీక్ మాటియుస్జ్), ఆర్తుర్ జుమిజెవ్స్కీ పోషించాడు, అతని పాత్ర ఒక రకమైన ఉల్లాసవంతమైన వ్యక్తిని ప్రతిబింబిస్తుంది.
ఒక పోలిష్ వార్తా కథనం కూడా అదే చిత్రాన్ని షేర్ చేస్తోంది, ఇది చిత్రం 'ఫాదర్ మాథ్యూ' సిరీస్‌లోనిదని నిర్ధారిస్తుంది. సిరీస్ 28వ సీజన్ సెప్టెంబర్ 2022 ప్రారంభంలో ప్రసారం చేయబడుతుందని, ఆర్తుర్ జ్మిజెవ్స్కీ ప్రధాన పాత్ర పోషిస్తున్నట్లు ఈ కథనం పేర్కొంది.
పోలాండ్ టివిపి వెబ్‌సైట్ విఓడి లో ఫాదర్ మాథ్యూ యొక్క అన్ని ఎపిసోడ్‌ల కేటలాగ్ ఇక్కడ ఉంది.
గోవా క్యాథలిక్ ఫాదర్ హిందూ మతంలోకి మారడం గురించి వార్తా కథనాల కోసం శోధించినప్పుడు, ఈ మధ్య కాలంలో అలాంటి సంఘటన గురించి ఎలాంటి వార్తా కధనాలు కనిపించలేదు.
అందువల్ల, పోలిష్ టీవీ సిరీస్ నుండి తీసుకున్న వైరల్ చిత్రం తప్పుడు కథనంతో షేర్ అవుతోంది. దావా అవాస్తవం.