ఫ్యాక్ట్ చెక్: సారా అలీ ఖాన్ కు విమానంలో చేదు అనుభవం ఎదురైందన్న మీడియా వాదనలో ఎలాంటి నిజం లేదు.

పలు ప్రముఖ జాతీయ మీడియా సంస్థలు కూడా సారా అలీ ఖాన్ విమానంలో విమాన సిబ్బందిపై కోపాన్ని ప్రదర్శించిందంటూ కథనాలను ప్రసారం చేశాయి.

ఫ్యాక్ట్ చెకింగ్:

వైరల్ అవుతున్న వాదనలో ఎలాంటి నిజం లేదు. ఇదంతా ఒక యాడ్ ఫిల్మ్ కు సంబంధించిన షూటింగ్ అని తేలిపోయింది. సారా అలీ ఖాన్ 'shopsy' అనే యాడ్ కు సంబంధించిన షూటింగ్ కు సంబంధించిన విజువల్స్ ను నిజంగానే జరిగిన ఘటనకు సంబంధించినవని భావించి పలు మీడియా సంస్థలు కథనాలను ప్రసారం చేశాయి.

వైరల్ అయిన సారా అలీ ఖాన్ ఫోటోల కింద పలువురు నెటిజన్లు ఇది యాడ్ షూటింగ్ కు సంబంధించినది అయి ఉండొచ్చంటూ కామెంట్లు చేశారు. మేము 'సారా అలీ ఖాన్ న్యూ యాడ్' అనే కీవర్డ్స్ ను ఉపయోగించి సెర్చ్ చేయగా.. shopsy అనే ఆన్ లైన్ డ్రెస్ ప్లాట్ ఫామ్ పోస్టర్లలో సారా అలీ ఖాన్ వైరల్ ఫోటోలలోని డ్రెస్ నే వేసుకుని కనిపించిందని మేము గుర్తించాం.

Viral Photo

Ad Photo

ఈ యాడ్ లో సారా అలీ ఖాన్ విమానంలో కూర్చొని ఉంటుంది. ఇంతలో లగేజ్ ను ఎయిర్ హోస్టెస్ సర్దుతూ ఉండగా.. ఒక వస్తువు జారి, సారా కూర్చున్న సీట్ పక్కనే ఉన్న జ్యూస్ గ్లాస్ వెళ్లి సారా బట్టల మీద పడుతుంది. సారా అలీ ఖాన్ బ్రాండెడ్ బట్టలు వేసుకుంటుందని.. ఆమె బట్టలు పాడవ్వడంతో ఆ డబ్బులు తాము కట్టలేమని ఎయిర్ హోస్టెస్, పైలట్ కూడా చెప్పడం ఈ వీడియోలో మనం చూడొచ్చు. అయితే సారా ఇవన్నీ బ్రాండెడ్ ఏమీ కాదని.. చాలా తక్కువ ధరకే shopsy యాప్ లో కొన్నానని చెబుతుంది.

దీన్ని బట్టి.. వైరల్ అయిన పోస్టులు యాడ్ షూటింగ్ కు సంబంధించినవని ఓ క్లారిటీ వస్తోంది.

ఇదే వీడియోను సారా కూడా తన ఇన్స్టాగ్రామ్ ఖాతాలో పోస్టు చేసిందని మేము గుర్తించాం.

కాబట్టి, సారా అలీ ఖాన్ కు విమానంలో చేదు అనుభవం ఎదురైందన్న వాదనలో ఎలాంటి నిజం లేదు.. ఆమె యాడ్ షూటింగ్ కు సంబంధించిన విజువల్స్ ను తప్పుడు వాదనతో షేర్ చేశారు.