ఫ్యాక్ట్ చెక్: అట్టపెట్టెలో చిన్నారికి సంబంధించిన ఫోటో గాజాకు సంబంధించినది కాదు.. 2016లొ గ్రీస్ లో తీసింది

ఫ్యాక్ట్ చెకింగ్:

వైరల్ అవుతున్న వాదనలో ఎలాంటి నిజం లేదు. ఈ చిత్రం గాజాకు సంబంధించినది కాదు. ఇటీవలిది కానే కాదు.

మేము Google రివర్స్ ఇమేజ్ సెర్చ్ ను నిర్వహించగా.. ఈ చిత్రం చాలా సంవత్సరాలుగా ఇంటర్నెట్‌లో సర్క్యులేషన్‌లో ఉందని మేము గుర్తించాం.

నవంబర్ 29, 2021న ప్రచురించిన ఒక రెడ్డిట్ పోస్ట్ లో అదే చిత్రాన్ని “When in the morning you wake up angry and complain for no reason, always remember that being born in the right place in the world is just a matter of luck." అనే క్యాప్షన్‌ తో షేర్ చేశారు. ఎక్కడ పడితే అక్కడ పుట్టామని బాధపడుతూ ఉండేవాళ్లు.. ఇలాంటి పరిస్థితుల గురించి కూడా ఆలోచించాలని ఆ పోస్టు ద్వారా తెలిపారు.

Linked In లో కూడా అలాంటి ఫోటోలనే పోస్టు చేశారు.

మేము X (Twitter)లో డిసెంబర్ 10, 2016న ఈ చిత్రాన్ని భాగస్వామ్యం చేసిన పోస్ట్‌ను కూడా కనుగొన్నాము.

ఇడోమెని గ్రీస్‌లోని శరణార్థి శిబిరంలో ఉన్న శిశువుకు మరియం అని పేరు పెట్టింది. womensrefugeecommission.org లోని నివేదికలో కూడా చిత్రం ప్రచురించారు.

దీని నుండి క్యూ గా తీసుకొని, మేము ‘Idomeni refugee camp, Greece’ అనే కీవర్డ్‌లను ఉపయోగించి సెర్చ్ చేశాం.

deeply.thenewhumanitarian.org లో ప్రచురించిన కథనాన్ని ‘ఐడోమెని క్యాంప్‌లో రోజువారీ జీవితాన్ని డాక్యుమెంట్ చేస్తున్నారు’ అనే శీర్షికతో ప్రచురించారు. ఈ కథనం గ్రీస్‌లోని ఇడోమెనిలో తాత్కాలిక శిబిరంలో చిక్కుకున్న శరణార్థుల జీవితం గురించి తెలియజేస్తుంది. వైరల్ ఇమేజ్ 'ఒక చిన్న పిల్ల ఖాళీ కార్డ్‌బోర్డ్ పెట్టెలో కూర్చుంది' అనే  కథనంలో పంచుకున్నారు. చాలా మందికి నిద్రించడానికి తగిన స్థలాలు కూడా లేవని తెలిపారు. ఈ చిత్రాన్ని రాబర్ ఆస్టోగానో తీశారు. ఏప్రిల్ 6, 2016న ఆర్టికల్ ను అప్లోడ్ చేశారు.

వైరల్ చిత్రం గాజాలో ఇటీవలి పరిస్థితికి సంబంధించినది కాదు. ఇది 2016 సంవత్సరం నాటి పాత చిత్రం. ఈ చిత్రం గ్రీస్‌లోని ఇడోమెనిలో తాత్కాలిక శరణార్థి శిబిరంలో చిత్రీకరించారు. వైరల్ అవుతున్న వాదనలో ఎటువంటి నిజం లేదు.