ఫ్యాక్ట్ చెక్: వైఎస్ జగన్ మోహన్ రెడ్డి 'జై చంద్రబాబు' అంటూ నినాదాలు చేయలేదు.

వైరల్ అవుతున్న వాదన ప్రజలను తప్పుదారి పట్టించేది. 2018లో జరిగిన ప్రజా సంకల్ప యాత్రలో బహిరంగ సభలో జై చంద్రబాబు అంటూ వ్యంగ్యంగా నినాదాలు చేసిన వీడియో ఇది.

వీడియో నుండి ఎక్స్‌ట్రాక్ట్ చేసిన కీఫ్రేమ్‌లను మేము Google రివర్స్ ఇమేజ్ సెర్చ్‌ని ఉపయోగించి సెర్చ్ చేశాము. ఎక్కువ నిడివి ఉన్న వీడియోను వైఎస్ఆర్ కాంగ్రెస్ పార్టీ యూట్యూబ్ ఛానెల్ లో చూశాము. పబ్లిక్ మీటింగ్‌లో వైఎస్ జగన్ “జై చంద్రబాబు జై చంద్రబాబు” అంటున్న వీడియోను మేము కనుగొన్నాము. ఈ వీడియో డిసెంబర్ 30, 2018న అప్లోడ్ చేశారు.

Tupaki.com ప్రకారం, శ్రీకాకుళం జిల్లా పలాసలో ప్రజా సంకల్ప యాత్రలో ప్రసంగిస్తూ.. 'చంద్రబాబు నాయుడు యువ నేస్తాన్ని మోసం చేసాడు. హౌసింగ్ స్కీమ్ కోసం రూ.5 లక్షలు పునాదికి మాత్రమే ఇచ్చాడు. నిర్మాణ పనులు ప్రాధాన్యత ప్రాతిపదికన జరుగుతాయి. ఇళ్ల నిర్మాణానికి ముందే స్టిక్కర్లు అంటిస్తాం కాబట్టి జై చంద్రబాబు నినాదాలు చేయాలి. రైతు రుణమాఫీ అమలు కాకముందే రైతులు ఆనందంతో ఉప్పొంగాలి. డ్వాక్రా మహిళలను కూడా దూషించాడు. ఇలాంటి వాటికైనా ప్రజలు జై చంద్రబాబు... జై చంద్రబాబు అని నినదించాలి.' అంటూ కథనాన్ని మేము చూశాం.

వైరల్ అయిన వీడియోలో జగన్ మోహన్ రెడ్డి బహిరంగ సభ లో 'జై చంద్ర బాబు' అంటూ నినాదాలు చేయ లేదు. డిసెంబర్ 2018లో శ్రీకాకుళం జిల్లా పలాసలో జరిగిన ప్రజా సంకల్ప యాత్రలో చంద్రబాబు నాయుడుపై వ్యంగ్యంగా ఇలాంటి వ్యాఖ్యలు చేశారు. ఈ వాదన ప్రజలను తప్పుదారి పట్టిస్తోంది.