ఫ్యాక్ట్ చెక్: అయోధ్యకు భారీగా భక్తులు వచ్చారంటూ వైరల్ అవుతున్న పోస్టు అయోధ్యకు సంబంధించినది కాదు.. పూరీకి సంబంధించినది

వైరల్ అవుతున్న వాదనలో ఎలాంటి నిజం లేదు.

ఈ చిత్రంలో ఉన్నది అయోధ్యలో భక్తుల రద్దీ కాదు. జగన్నాథ రథయాత్ర నిర్వహించే పూరీలోని జనసమూహానికి సంబంధించినది.

మేము Google రివర్స్ ఇమేజ్ సెర్చ్‌ని ఉపయోగించి వైరల్ చిత్రాన్ని సెర్చ్ చేయగా.. జూన్ 2023లో పూరీ జగన్నాథ్ రథయాత్రకు సంబంధించిన చిత్రం ఆన్‌లైన్‌లో ఉన్నట్లు మేము కనుగొన్నాము.

జూన్ 21, 2023న “Crowd at iconic Jagannath Rath Yatra Puri, Odisha” అనే శీర్షికతో అదే విజువల్స్‌ను షేర్ చేసిన YouTube వీడియోను మేము కనుగొన్నాము.

shillongtimes.com కూడా వైరల్ ఇమేజ్‌ని పబ్లిష్ చేసింది. ‘భక్తులు జగన్నాథుని వార్షిక రథయాత్రలో పాల్గొనేందుకు పెద్ద సంఖ్యలో హాజరయ్యారు.’ అనే శీర్షికతో వీడియోను పోస్టు చేశారు.

టైమ్స్ గ్రూప్ కు చెందిన వెబ్‌సైట్ కూడా “పూరీలో వార్షిక భగవాన్ జగన్నాథ రథయాత్ర: జూన్ 20, 2023న ఒడిశాలోని పూరీలో జరిగే వార్షిక రథయాత్రలో భక్తుల రద్దీ” అనే శీర్షికతో ఇలాంటి చిత్రాన్ని షేర్ చేసింది.

NDTV నివేదిక ప్రకారం.. పూరీలో 12వ శతాబ్దపు నాటి దేవాలయం ఉంది. జగన్నాథుడుగా భక్తులతో పూజలు అందుకుంటూ ఉన్నారు. ఈ పట్టణంలో విష్ణువు జగన్నాధుని పేరిట కొలువై పూజలందుకుంటున్నాడు. ఈ ఆలయం వైష్ణవ దివ్యదేశాల్లో ప్రముఖమైనది మరియూ హిందువులు అతి పవిత్రంగా భావించే " చార్ ధాం " పుణ్యక్షేత్రాలలో ఒకటి.ఈ ఆలయాన్ని 1078 లో కళింగ పరిపాలకుడైన అనంతవర్మ చోడగంగాదేవ ప్రారంభించగా ఆయన మనవడైన రాజా అనంగ భీమదేవ్‌ పాలనలో పూర్తయింది. పూరీ పట్టణంలో జరిగే వార్షిక ఉత్సవాలకు లక్షల్లో భక్తులు తరలివస్తూ ఉంటారు. పొరుగు రాష్ట్రాల నుండి మాత్రమే కాకుండా.. విదేశాల నుండి కూడా చాలా మంది ఈ ఊరేగింపులలో భాగమయ్యారు.

వైరల్ అవుతున్న చిత్రం పాతది. అయోధ్య రామమందిరానికి ఎటువంటి సంబంధం లేదు. జూన్ 2023లో జగన్నాథ రథయాత్ర సందర్భంగా పూరీలో భక్తుల రద్దీకి సంబంధించింది. అయోధ్యలో దర్శనం కోసం కూడా జనం చాలా ఎక్కువగా ఉన్నారు. ఈ ఫోటోకు అయోధ్యకు ఎలాంటి సంబంధం లేదు. వైరల్ అవుతున్న వాదనలో ఎలాంటి నిజం లేదు.