Hyderabad : మూసీ ఒడ్డున కూల్చివేతలు షురూ... మొదలెట్టిన అధికారులు
మూసీని ఆక్రమించుకుని నిర్మించుకున్న ఇళ్లను కూల్చివేత నేటి నుంచి ప్రారంభమయింది. మూసానగర్ లో కూల్చివేతలు మొదలయ్యాయి.
hydra in hyderabad
మూసీ సుందరీకరణకు సంబంధించి అధికారులు కూల్చివేత పనులను మొదలుపెట్టారు. మూసీ ప్రక్షాళన చేయాలని కాంగ్రెస్ ప్రభుత్వం నిర్ణయించిన సంగతి తెలిసిందే. దాదాపు 1.50 లక్షల రూపాయల వ్యయంతో మూసీ సుందరీకరణ పనుల ప్రాజెక్టును చేపట్టాల్సి ఉంది. మూసీని ఆక్రమించుకుని నిర్మించుకున్న ఇళ్లను కూల్చివేత నేటి నుంచి ప్రారంభమయింది. ఈరోజు హైదరాబాద్ లోని మూసానగర్ లో కూల్చివేతలు ప్రారంభమయ్యాయి. మూసీ రివర్ బెడ్ లోనే ఈ కూల్చివేతల ప్రక్రియను అధికారులు ఆరంభించారు. ముందుగానే తాము మార్కింగ్ చేసిన ఇళ్లను కూల్చివేస్తున్నారు. అయితే అక్కడ నివాసముంటున్న వారిని ఒప్పించిన అధికారులు వారికి చంచల్ గూడ ప్రాంతంలో డబుల్ బెడ్ రూంలు కేటాయించారు. నిర్వాసితులు కూడా అంగీకరించడంతో ముందుగా మూసీ నుంచి ప్రక్షాళన మొదలుపెట్టిన అధికారులు అక్కడకు జేసీబీలు వెళ్లలేనంత ఇరుకైన దారులు కావడంతో కూలీలను పెట్టి ఇళ్లను కూల్చివేస్తున్నారు.