హైదరాబాద్ కు చేరుకున్న క్రికెటర్లు

కాగా రేపు హైదరాబాద్ లోని ఉప్పల్ స్టేడియంలో జరగనున్న ఈ మ్యాచ్ సిరీస్ ఎవరిదో తేల్చనుంది. మొహాలీలో ఆస్ట్రేలియా, నాగ్ పూర్ లో టీం ఇండియా విజయం సాధించిన సంగతి తెలిసిందే. మూడో మ్యాచ్ ఉత్కంఠ భరితంగా సాగనుంది. ఈ మ్యాచ్ క్రికెట్ అభిమానులకు పండగ లాంటిదే. హైదరాబాద్ చేరుకున్న క్రికెటర్లకు పోలీసులు భారీ బందోబస్తును ఏర్పాటు చేశారు. పోలీసులు వలయంగా ఏర్పడి ఆటగాళ్లను విమానాశ్రయంలోని బస్సు వద్దకు తీసుకెళ్లారు. హోటల్ వద్ద కూడా గట్టి బందోబస్తును ఏర్పాటు చేశారు. అభిమానులు ఎవరినీ హోటల్ ప్రాంగణలోకి రాకుండా చర్యలు తీసుకున్నారు.