గాంధీ సినిమా చూసేందుకు వచ్చి విధ్వంసం

హైదరాబాద్ మల్లేపల్లిలోని ప్రియా థియేటర్ లో విద్యార్థులు విధ్వంసం సృష్టించారు. థియేటర్లలో సీట్లు చించేసి సీసీ కెమెరాలను ధ్వంసం చేశారు. దీంతో థియేటర్ యాజమాన్యం పోలీసులకు ఫిర్యాదు చేసింది. ప్రియా థియేటర్ లో గాంధీ సినిమాను చూసేందుకు మెహిదీపట్నం ఎంఎస్ కళాశాలకు చెందిన 500 మంది విద్యార్థులు వచ్చారు. 75 సంవత్సరాల స్వాతంత్ర్య దినోత్సవ వేళ ప్రభుత్వం విద్యార్థులకు గాంధీ సినిమాను చూపించాలని ఆదేశించింది.