తేజుకి హీరోయిన్స్ దొరకడం లేదు..!

సాయి ధరమ్ తేజ్ లేటెస్ట్ ఫీల్ గుడ్ మూవీ చిత్రలహరితో హిట్టిచ్చానని అనిపించుకున్నాడు కానీ ఇతనితో నటించేందుకు స్టార్ హీరోయిన్స్ ఎవరు ఇంట్రెస్ట్ చూపట్లేదు. మారుతి డైరెక్షన్ లో సాయి ధరమ్ తేజ్ ఓ సినిమా చేయనున్నాడు. ఈ క్రమంలో తేజుకి జోడీగా స్టార్ హీరోయిన్స్ ని తీసుకుందామనుకున్న మారుతి ప్రయత్నాలు ఫలించలేదు. చాలామంది బిజీ హీరోయిన్స్ ని సంప్రదించగా లాస్ట్ కి ‘నేల టిక్కెట్టు’తో పరిచయం అయిన మాళవికా శర్మని ఓకే చేసుకున్నారు. ప్రస్తుతం ఈమె చేతిలో కూడా సినిమాలు ఏమి లేవు.

మళ్లీ కొత్త హీరోయిన్లతో

అందుకే వచ్చిందే ఛాన్స్ అని ఓకే చెప్పేసింది. తేజు గత చిత్రం చిత్రలహరి టైంలో కూడా ఈ సమస్యే ఎదురుకున్నాడు. అప్పుడు కూడా ఇతనికి స్టార్ హీరోయిన్స్ దొరకలేదు. దీంతో కళ్యాణి ప్రియదర్శన్‌, నివేతా పేతురాజ్‌ని తీసుకొని సక్సెస్ అయ్యారు. ఇప్పుడు మరోసారి ఆ సెంటిమెంట్‌ కలిసి వచ్చి మాళవికతో కూడా హిట్టు కొడతాడేమో చూడాలి. ఇక ఈ మూవీ గీతా 2 పిక్చర్స్‌ తో పాటు యువి క్రియేషన్స్‌ సంయుక్తంగా నిర్మిస్తోంది. త్వరలోనే సెట్స్ మీదకు వెళ్లనుంది.