కామెడీ అన్నారు.. అట్టర్ ప్లాప్ అయ్యేలా ఉంది

ఈ దీపావళికి తెలుగు, తమిళ, హిందీ భాషల్లో సినిమాలు చాలా ప్రేక్షకుల ముందుకు వచ్చాయి. తమిళ, హిందీలో పెద్ద పెద్ద సినిమాలే ప్రేక్షకులకు కనువిందు చెయ్యడానికి రాగా.. అందులో తమిళనాట బిగిల్ యావరేజ్ టాక్ తో ఆదిరిపోయే ఓపెనింగ్స్ తెచ్చుకుంది. ఇక కార్తీ ఖైదీ అయితే హిట్ టాక్ తో అదరగొట్టేస్తుంది. ఇక హిందీ లో హౌస్ ఫుల్ సీరీస్ లో తెరకెక్కిన హౌస్ ఫుల్ 4 కూడా భారీ అంచనాల నడుమ విడుదల కాగా… ఆ సినిమాకి నెగెటివ్ టాక్ వచ్చినప్పటికీ.. భారీ ఓపెనింగ్స్ తెచ్చుకుంది. ఫుల్ కామెడీ ఎంటరైనర్ గా స్టార్ హీరోస్ అండ్ హీరోయిన్స్ నటించిన హౌస్ ఫుల్ 4 కి క్రేజ్ అయితే ఉంది కానీ… కామెడీ వర్కౌట్ అవ్వక డిజాస్టర్ రేటింగ్స్ వచ్చాయి.

పూజ హెగ్డే, రానా, అక్షయ్ కుమార్, కృతి కర్బందా, కృతి సనన్ వంటి స్టార్స్ తో భారీ అంచనల్తో విడుదలయింది ఈ సినిమా. కానీ మొదటి షోకే నెగెటివ్ టాక్ తెచ్చుకున్న హౌస్ ఫుల్ 4 కి క్రిటిక్స్ కూడా నెగటివ్ కాదు.. చెత్త రివ్యూస్ ఇచ్చారు. బాలీవుడ్ ట్రేడ్ అనలిస్ట్ తరుణ్ ఆదర్శ్.. చెత్త సినిమాలకు మంచి రేటింగ్స్ ఇస్తుంటాడు. కానీ హౌస్ ఫుల్ 4 కి మాత్రం 1.5 ఇచ్చాడు అంటే.. ఆ సినిమా ఎంత చెత్తగా ఉందో ఆర్ధమవుతుంది. కామెడీ కోసం స్టార్స్ మొత్తం ప్రయత్నించినా.. కామెడీ వర్కౌట్ అవ్వలేదని, పాత్రల తీరు తెన్నులు, వారి లుక్స్ బావున్నప్పటికీ.. కామెడీ కుదరకపోవడంతో.. ఈ సినిమాకి ప్లాప్ టాక్అవచ్చేసింది. అయినప్పటికీ… హైదరాబాద్ వంటి మహానగరంలో విజిల్, ఖైదీ సినిమాలను దాటుకుని హౌస్ ఫుల్ 4 మొదటి రోజు వసూళ్ల మోత మోగించింది.