118 కు మంచి మార్కులేసిన ఎన్టీఆర్..?

నందమూరి కళ్యాణ్ రామ్ హిట్ కోసం ఎంతో తాపత్రయపడుతున్నాడు. ఆయన నటించిన సినిమాలేవీ బాక్సాఫీసు దగ్గర సత్తా చాటలేకపోతున్నాయి. తాజాగా కళ్యాణ్ రామ్ గుహన్ దర్శకత్వంలో మహేష్ కోనేరు నిర్మాణంలో 118 అనే సస్పెన్స్ థ్రిల్లర్ సినిమాలో నటించాడు. షాలిని పాండే, నివేత థామస్ హీరోయిన్స్ గా నటించిన ఈ సినిమా రేపు ప్రపంచ వ్యాప్తంగా ప్రేక్షకుల ముందుకు రాబోతుంది. భారీ ప్రమోషన్స్ తో భారీ క్రేజ్ ఉన్న ఈ 118 మూవీకి కళ్యాణ్ రామ్ బాబాయ్ బాలయ్య, ఎన్టీఆర్ ప్రమోషనల్ ఈవెంట్ కి వచ్చి మరీ సినిమా మీద ప్రేక్షకుల్లో ఆసక్తిని క్రియేట్ చేశారు.

బాగుందని చెప్పిన ఎన్టీఆర్

అయితే ఈ సినిమాని కళ్యాణ్ రామ్ తమ్ముడు ఎన్టీఆర్ కి ప్రత్యేకంగా షో వేసి మరీ చూపించాడట. ఎన్టీఆర్ సినిమా చూసి చాలా బాగుందని చెప్పడమే కాదు.. కళ్యాణ్ రామ్ నటనను పొగిడేసాడట. సినిమా చాలా బాగుంది .. కొత్తగా ట్రై చేశావ్. సినిమా నిడివిలో ఎక్కడా ఒక్క నిమిషం కూడా తగ్గించవలసిన అవసరం లేదు. అలాగే హీరోయిన్ నివేత థామస్ నటన చాలా బాగుంది. నివేతకి ఈ సినిమా మంచి పేరు తెస్తుందని చెప్పాడట. మరి ఎన్టీఆర్ 118 సినిమా చూసి బాగుందని చెప్పాక నందమూరి ఫ్యాన్స్ కే కాదు సాధారణ ప్రేక్షకుడికి కూడా ఈ మూవీపై ఇంట్రెస్ట్ పెరిగేలాగే కనబడుతుంది.