ఇదేందయ్యా ఇది.. తనకన్నా 30 ఏళ్లు చిన్నదైన స్టూడెంట్ ను పెళ్లాడిన టీచర్

వివరాల్లోకి వెళ్తే.. ఆ యువతి పేరు శ్వేతా కుమారి(20). ఆ టీచర్ పేరు సంగీత్ కుమార్(50). రోస్రా వాసి శ్వేతా కుమారి.. ఇంగ్లీష్ నేర్చుకునేందుకు టీచర్ దగ్గరికి వచ్చేది. ఈ క్రమంలో ఇద్దరి మధ్య ప్రేమ చిగురించింది. ఇద్దరూ లవ్ లో పడ్డారు. మనసులు ఒక్కటయ్యాయి. ఇంకేముంది పెళ్లి చేసుకోవాలని డిసైడ్ అయిపోయారు. టీచర్ సంగతి అటుంచితే.. తనకన్నా 30 ఏళ్లు పెద్దవాడైన టీచర్ ను ఆ యువతి ప్రేమించి, పెళ్లిచేసుకోవడం అందరినీ ఆశ్చర్య పరుస్తోంది.

ఓ మంచి రోజు చూసుకుని ఇద్దరూ ఒక్కటయ్యారు. రోస్రా బజార్ లోని ఓ గుడిలో ఇద్దరూ పెళ్లి చేసుకున్నారు. ఎవరేమనుకున్నా డోంట్ కేర్ అంటూ.. టీచర్ తో ఆ స్టూడెంట్ మూడు ముళ్లు వేయించుకుంది. ఈ పెళ్లికి కొంతమంది సన్నిహితులు కూడా హాజరయ్యారండోయ్. వారంతా ఈ కొత్త జంటను ఆశీర్వదించారు. వీరి పెళ్లికి సంబంధించిన వీడియో ప్రస్తుతం సోషల్ మీడియాలో వైరల్ గా మారగా.. టీచర్, స్టూడెంట్ పెళ్లి హాట్ టాపిక్ గా మారింది. ఆ ఇంగ్లీష్ టీచర్ కు ఇంతవరకూ పెళ్లి కాలేదా అంటే.. అయింది. కానీ భార్య కొన్నేళ్ల క్రితమే చనిపోయింది. అప్పటి నుంచి ఆయన ఒంటరిగా ఉంటున్నారు. రెండో పెళ్లి కూడా చేసుకోలేదు.