14వ రోజుకు చేరిన రాహుల్ యాత్ర

కాంగ్రెస్ అగ్రనేత రాహుల్ గాంధీ భారత్ జోడో యాత్ర కేరళలో కొనసాగుతుంది. 14వ రోజు యాత్రను రాహుల్ ప్రారంభించారు. ఇప్పటి వరకూ 385 కిలోమీటర్లకు పైగా నడిచారు. కొచ్చి నుంచి ప్రారంభమైన యాత్రను మధ్యాహ్నం 12 గంటల సమయంలో లంచ్ బ్రేక్ కు ఆపుతారు. తిరిగి నాలుగు గంటలకు బయలుదేరి రాత్రి ఏడు గంటల వరకూ యాత్ర కొనసాగుతుంది. యాత్రలో వేల సంఖ్యలో కాంగ్రెస్ పార్టీ అభిమానులు, కార్యకర్తలు పాల్గొంటున్నారు. ఈరోజు 13 కిలోమీటర్లు యాత్ర జరుగుతుందని పార్టీ నేతలు చెబుతున్నారు.