ఢిల్లీ ఎయిర్పోర్టులో తప్పిన పెను ప్రమాదం
ఢిల్లీ ఎయిర్పోర్టులో రెండు విమానాలకు పెను ప్రమాదం తప్పింది. రెండు ఫ్లైట్లకు
ఢిల్లీ ఎయిర్పోర్టులో రెండు విమానాలకు పెను ప్రమాదం తప్పింది. రెండు ఫ్లైట్లకు ఒకేసారి రన్ వే పైకి అనుమ‌తి ఇవ్వడంతో తీవ్ర గందరగోళం నెలకొంది. ఓ ప్లైట్ లోని మహిళా పైలెట్ ఎయిర్ ట్రాఫిక్ కంట్రోల్ ను అలర్ట్ చేయడంతో ప్రమాదం తప్పింది. ఆ రెండు ఫ్లైట్లలో ఉన్న 400 మంది ప్రయాణికులతో పాటు అధికారులు కూడా ఊపిరిపీల్చుకున్నారు. ఢిల్లీ ఎయిర్‌పోర్ట్‌లో రెండు విస్తారా విమానాల పైలట్లు సకాలంలో స్పందించడంతో వందలాది మంది ప్రాణాలు నిలబడ్డాయి.
విస్తారా ఎయిర్‌లైన్స్ కు చెందిన అహ్మదాబాద్ - ఢిల్లీ ఫ్లైట్ ఢిల్లీ ఎయిర్ పోర్టులో ల్యాండైంది. అనంతరం ఎయిర్ ట్రాఫిక్ కంట్రోల్ ఆదేశాల మేరకు పైలెట్ పార్కింగ్ బే వైపు విమానాన్ని మళ్లించారు. ఇదే సమయంలో విస్తారా ఎయిర్ లైన్స్ కే చెందిన ఢిల్లీ - బాగ్డోగ్రా ఫ్లైట్ అదే రన్ వే నుంచి టేకాఫ్ తీసుకునేందుకు ఏటీసీ పర్మిషన్ ఇచ్చింది. ఈ విషయం గ్రహించిన అహ్మదాబాద్ - ఢిల్లీ ప్లైట్లోని ఉమెన్ పైలెట్ ఎయిర్ ట్రాఫిక్ కంట్రోల్ ను అలర్ట్ చేసింది. దీంతో అప్రమత్తమైన అధికారులు వెంటనే ఢిల్లీ - బాగ్డోగ్రా ఫ్లైట్ టేకాఫ్ ఆర్డర్స్ క్యాన్సిల్ చేశారు. ల్యాండైన విమానం పార్కింగ్ కు వెళ్లేందుకు అనుమతించిన విషయం మర్చిపోయిన ఏటీసీ అధికారులు టేకాఫ్ కు పర్మిషన్ ఇవ్వడంతో ఈ పరిస్థితి తలెత్తింది. ఏటీసీ నిర్లక్ష్యంగా వ్యవహరించినా.. పైలట్లు సకాలంలో స్పందించడంతో పెను ప్రమాదం తప్పింది. డైరెక్టరేట్ జనరల్ ఆఫ్ సివిల్ ఏవియేషన్ (DGCA) ఈ ఘటనపై దర్యాప్తునకు ఆదేశించింది. దర్యాప్తు ఫలితం వచ్చాక బాధ్యులపై చర్యలు తీసుకోనున్నారు.