బ్యూటీపార్లర్ దెబ్బకి ఆగిపోయిన పెళ్లి.. అసలేం జరిగిందంటే..

కానీ.. ఓ పెళ్లికూతురి విషయంలో అది కాస్తా రివర్స్ అయింది. బ్యూటీ పార్లర్ చేసిన పనితో ఆ పెళ్లికాస్తా ఆగిపోయింది. ఈ ఘటన కర్ణాటక లోని హసన్ జిల్లాలో జరిగింది. పెళ్లికి అందంగా కనిపించాలని ఓ యువతి బ్యూటీ పార్లర్ కు వెళ్లింది. బ్రైడల్ మేకప్ లో భాగంగా.. ఫౌండేషన్ తర్వాత ఆవిరి పట్టారు ఆ పార్లర్ సిబ్బంది. వారి నిర్లక్ష్యం కారణంగా స్టీమ్ ఎక్కువై.. ఆ వేడికి యువతి ముఖమంతా వాచిపోయి అందవికారంగా తయారయ్యింది. ఆ తర్వాత ముఖం నలుపు రంగులోకి మారి, కళ్లు, బుగ్గలు కూడా వాచిపోయాయి. దీంతో కుటుంబ సభ్యులు ఆమెను దగ్గర్లోని ఆసుపత్రికి తీసుకెళ్లారు. బ్యూటీ పార్లర్ పై పోలీసులకు ఫిర్యాదు చేశారు. పెళ్లికూతురిని అలా చూసిన సదరు పెళ్లికొడుకు తనకీ పెళ్లి వద్దంటూ పెళ్లిని రద్దు చేసుకున్నాడు.