హిమంత బిశ్వ శర్మ నిర్ణయం.. దేశమంతా అమలుపరిస్తే ఎంత బాగుంటుంది?

అసోం ముఖ్యమంత్రి హిమంత బిశ్వ శర్మ తీసుకున్న నిర్ణయంపై నెటిజన్లు హర్షం వ్యక్తం చేస్తున్నారు. దేశమంతా ఈ విధానాన్ని ప్రవేశపెట్టాలని కోరారు. జులై నుంచి ఉన్నతాధికారులు, మంత్రులు తమ విద్యుత్తు బిల్లులను తామే చెల్లించాలని ఆదేశాలు జారీ చేశారు. తనతో పాటు చీఫ్ సెక్రటరీ కూడా జులై ఒకటో తేదీ నుంచి తాము వినియోగించే విద్యుత్తు బిల్లులను తామే చెల్లించనున్నామని హిమంత బిశ్వశర్మ తెలిపారు. మంత్రులు, ఉన్నతాధికారులు తమ నివాసాలకు వినియోగించే విద్యుత్తు బిల్లులను ప్రభుత్వమే చెల్లిస్తూ వస్తుంది.