రాహుల్ రెస్యూ ఆపరేషన్ సక్సెస్.. ప్రాణాలతో బయటపడ్డాడు

బోరుబావిలో పడి 80 అడుగుల లోతులో చిక్కుకున్న 10 ఏళ్ల బాలుడు రాహుల్ సాహును సుమారు 100 గంటలకు పైగా సాగిన ఆపరేషన్ తర్వాత మంగళవారం రాత్రి 11 గంటలకు రక్షించారు. ఈ ఘటన ఛత్తీష్‌గఢ్‌లోని మల్ఖరోడా బ్లాక్‌లోని పిహ్రిద్ గ్రామంలో చోటుచేసుకుంది. రెస్క్యూ టీమ్ రాహుల్‌కు చాలా దగ్గరగా చేరుకుని.. రాత్రి 10.15 గంటలకు అతన్ని చూసింది. అతడు సజీవంగా, ఊపిరి పీల్చుకుంటూ ఉన్నాడని గుర్తించింది. బాధితుడిని ఆస్పత్రికి తరలించేందుకు, మెరుగైన వైద్యం అందించేందుకు వైద్య బృందాలను సిద్ధం చేశారు. నివేదికల ప్రకారం, రెస్క్యూ ఆపరేషన్ కోసం దాదాపు 150 మంది అధికారులను నియమించారు. రెస్క్యూ ఆపరేషన్‌లో రోబోలను కూడా వాడారు.