ఎంపీ అవినాష్ రెడ్డికి సుప్రీం నోటీసులు

కడప ఎంపీ వైఎస్ అవినాష్ రెడ్డికి సుప్రీంకోర్టు నోటీసులు జారీ చేసింది. వైఎస్ వివేకా హత్యకేసులో A8గా ఉన్న అవినాష్ రెడ్డికి మే 31న తెలంగాణ హైకోర్టు ముందస్తు బెయిల్ మంజూరు చేసిన విషయం తెలిసిందే. ఈ ముందస్తు బెయిల్ ను సవాల్ చేస్తూ.. వివేకా కుమార్తె సునీత నర్రెడ్డి సుప్రీంకోర్టులో పిటిషన్ దాఖలు చేశారు. అవినాష్ ముందస్తు బెయిల్ ను రద్దు చేయాలని పిటిషన్ లో కోరారు. సునీత పిటిషన్ ను పరిశీలించిన ధర్మాసనం.. సునీత పిటిషన్ పై సమాధానం ఇవ్వాలని పేర్కొంటూ.. అవినాష్ రెడ్డికి నోటీసులు జారీ చేసింది. దానిపై జులై 3వ తేదీన సీజేఐ ధర్మాసనం ముందు విచారణ జరగనుంది. సుప్రీం నోటీసులపై అవినాష్ రెడ్డి ఎలా స్పందిస్తారో చూడాలి.