BRS : కాంగ్రెస్ మైండ్ గేమ్... బీఆర్ఎస్ కు చెక్ పెట్టేందుకు ఇలా ఆట మొదలెట్టిందా?
తెలంగాణ కాంగ్రెస్ కొద్ది రోజుల నుంచి మైండ్ గేమ్ మొదలు పెట్టింది. బీఆర్ఎస్ నేతలను ఇబ్బందిపెట్టేలా వ్యాఖ్యానిస్తున్నారు
తెలంగాణ కాంగ్రెస్ నేతలు గత కొద్ది రోజుల నుంచి మైండ్ గేమ్ మొదలు పెట్టారు. బీఆర్ఎస్ నేతలను ఇబ్బందిపెట్టేలా వ్యాఖ్యలు చేస్తున్నారు. కోమటిరెడ్డి ిబ్రదర్స్ కు ఈ బాధ్యతలను కాంగ్రెస్ అప్పగించినట్లు అర్థమవుతుంది. కోమటిరెడ్డి బ్రదర్స్ పదే పదే హరీశ్ రావును ప్రశంసించడం మైండ్ గేమ్ లో భాగమేనని అంటున్నారు. పార్లమెంటు ఎన్నికలతో పాటు ముందు ముందు కాంగ్రెస్ ప్రభుత్వానికి ఈ ఇబ్బందులు రాకుండా ఉండేందుకు కాంగ్రెస్ వేసిన ఎత్తుగడలో భాగంగానే హరీశ్ రావును ప్రశంసలతో ముంచెత్తడమన్న అభిప్రాయం వ్యక్తమవుతుంది. హరీశ్ వాయిస్ ను కొంత తగ్గించగలిగితే తమకు రాజకీయంగా వెసులుబాటు దొరుకుతుందన్న కారణమూ లేకపోలేదు.
పార్లమెంటు ఎన్నికల కోసమే ఈ రకమైన మైండ్ గేమ్ మొదలుపెట్టిందని అర్ధం చేసుకున్న బీఆర్ఎస్ నేతలు అందుకు ప్రతిగా వారు కూడా ఆట మొదలు పెట్టారు. రేవంత్ రెడ్డి మరో ఏక్‌నాధ్ షిండే అవుతారంటూ వారు కామెంట్స్ చేస్తున్నారు. రానున్న రోజుల్లో రేవంత్ రెడ్డినిదించి మరొకరు ముఖ్యమంత్రి అవుతారని, అప్పుడు రేవంత్ రెడ్డి కాంగ్రెస్ ఎమ్మెల్యేలతో కలసి వేరు కుంపటి పెట్టుకునే ప్రయత్నంలో ఉన్నారని చెబుతున్నారు. ఇలా బీఆర్ఎస్ పై కాంగ్రెస్, కాంగ్రెస్ ను మానసికంగా దెబ్బకొట్టేలా బీఆర్ఎస్ లు మైండ్ గేమ్ మొదలు పెట్టాయనే చెప్పాలి.