మరో సంచలనం: ఇంగ్లండ్ పై ఐర్లాండ్ విజయం

ఐసీసీ టీ20 ప్రపంచ కప్ లో మరో సంచలనం నమోదైంది. ఇంగ్లండ్ పై ఐర్లాండ్ విజయాన్ని అందుకుంది. అయితే డక్ వర్త్ లూయిస్ ప్రకారం ఐర్లాండ్ 5 పరుగుల తేడాతో విజయాన్ని అందుకుంది. ఎంసీజీలో జరిగిన ఈ మ్యాచ్ లో ఐర్లాండ్ బౌలింగ్ తో రాణించి.. ఇంగ్లండ్ ను కట్టడి చేసింది. ఆఖర్లో వర్షం రావడంతో ఇంగ్లండ్ పై విజయాన్ని సొంతం చేసుకుంది. 14.3 ఓవర్ల వద్ద 5 వికెట్ల నష్టానికి 105 పరుగులతో ఇంగ్లండ్ ఉండగా వర్షం పడింది. జాష్ లిటిల్ 2 వికెట్లు తీయగా.. డాక్ రెల్, హ్యాండ్, మెక్ కార్టీ చెరో వికెట్ తీసుకున్నారు. ఇంగ్లండ్ బ్యాట్స్మెన్ లో మలాన్ 35 పరుగులు చేయగా.. మొయిన్ అలీ 24 పరుగులతో నాటౌట్ గా నిలిచాడు.