టెన్నిస్ కు సానియా గుడ్ బై.. ఆమె ట్రాక్ రికార్డులు చూశారా

భారత టెన్నిస్ ఐకాన్ సానియా మీర్జా 20 ఏళ్ల టెన్నిస్ కెరీర్ కు తుది వీడ్కోలు పలికింది. మంగళవారం (ఫిబ్రవరి 21) దుబాయ్‌ లో జరిగిన డ్యూటీ ఫ్రీ టెన్నిస్ ఛాంపియన్‌షిప్‌ లో తొలి రౌండ్‌ లో ఓటమితో కెరీర్ కు వీడ్కోలు పలికింది. చివరిగా గ్రాండ్ స్లామ్ ఆస్ట్రేలియా ఓపెన్‌లో టైటిల్‌కు చేరువగా వెళ్లి ఫైనల్లో ఓడిన సానియా.. డబ్ల్యుటిఏ-1000 సిరీస్‌ ఛాంపియన్‌షిప్‌ లో అభిమానులను నిరాశపరిచింది. అమెరికా క్రీడాకారిణి మాడిసన్ కీస్‌తో కలిసి బరిలోకి దిగిన సానియా.. తొలి రౌండ్లోనే ఓటమి పాలైంది. నెలరోజుల క్రితమే.. ఈ సిరీస్ తన టెన్నిస్ కెరీర్ లో చివరిదని ప్రకటించడంతో ఈ ఆటను చూసేందుకు అభిమానులు ఆసక్తిని చూపారు.