ED Raids: కాంగ్రెస్ అభ్యర్థి వివేక్‌ ఇంట్లో ఈడీ సోదాలు
చెన్నూరు కాంగ్రెస్ అభ్యర్థి వివేకా ఇంట్లో ఈడీ అధికారుల సోదాలు జరుగుతున్నాయి.
చెన్నూరు కాంగ్రెస్ అభ్యర్థి వివేకా ఇంట్లో ఎన్‌ఫోర్స్‌మెంట్ అధికారుల సోదాలు జరుగుతున్నాయి. మంచిర్యాలలోని ఆయన నివాసంతో పాటు హైదరాబాద్‌, చెన్నూరులోనూ సోదాలు కొనసాగుతున్నాయి. వివేక్‌, వినోద్‌ ఇళ్లతోపాటు కూతురు ఇంట్లోనూ అధికారులు సోదాలు నిర్వహిస్తున్నారు. ఇటీవలే వివేక్‌ కంపెనీలకు చెందిన 8 కోట్ల రూపాయలు ఫ్రీజ్‌ అయ్యాయి. గతంలో వివేక్‌ కంపెనీ సిబ్బంది 50 లక్షలతో పట్టుబడ్డారు.
ఈ రోజు వేకువజాము నుంచి అధికారులు ఆయన ఇంట్లో తనిఖీలు చేపట్టారు. అయితే వివేక్‌ ఇంట్లో ఈడీ సోదాల సంగతి తెలుసుకున్న కాంగ్రెస్ కార్యకర్తలు భారీ సంఖ్యలో చెన్నూరులోని ఆయన ఇంటి వద్దకు చేరుకుంటున్నారు. వారిని పోలీసులు అదుపు చేస్తున్నారు. ఈ క్రమంలో చెన్నూరులో ఉద్రిక్త పరిస్థితి నెలకొంది.