SlBC Accident : మృతదేహాల ఆనవాళ్ల అయినా లభిస్తాయా? బంధువుల్లో ఆందోళన

ఏడుగురు కార్మికులు పంజాబ్, ఉత్తర్ ప్రదేశ్, బీహార్ రాష్ట్రాలకు చెందిన వారు కావడంతో వారి బంధువులు కూడా కొద్ది రోజులు వేచి చూసి ఇంటికి వెళ్లిపోయారు. టన్నెల్ లో పనులను నిలిపేసి మరీ 26 రోజుల నుంచి సహాయక చర్యలు కొనసాగిస్తున్నప్పటికీ ఫలితం కనిపించడం లేదు. కనీసం మృతదేహాలనైనా అప్పగిస్తారన్న ఆశ ఇన్నాళ్లు బంధువుల్లో ఉండేది. కానీ రాను రాను రోజుల గడిచే కొద్దీ మృతదేహాలు కూడా దొరికే పరిస్థితులు కనిపించకపోవడంతో వారు మరింత ఆందోళన చెందుతున్నారు.

మృతదేహాలను గుర్తించడానికి టన్నెల్ వద్దనే ఫోరెన్సిక్ నిపుణులను సిద్ధంగా ఉంచారు. డీ1 వద్ద మృతదేహాలుంటాయని అంచనా వేసి అక్కడ తవ్వకాలు జరపాలన్నా ఆ ప్రాంతంలో తొమ్మిది మీటర్ల మేరకు బురదపేరుకుపోయింది. వాటిని తొలగించే ప్రక్రియ ఇంకా పూర్తి కాకపోవడంతో తవ్వకాలు జరిపేందుకు కూడా సాధ్యపడటం లేదని సహాయక బృందాలు చెబుతున్నాయి. అయితే తమ ప్రయత్నం చివర వరకూ చేస్తామని, ప్రయత్నంలో లోపం లేకుండా చేసి లక్ష్యాన్ని చేరుకుంటామన్న ఉద్దేశ్యంతో రెస్క్యూ టీంలున్నాయి. మొత్తం మీద రోజురోజుకూ మృతదేహాలు దొరుకుతాయన్న ఆశలు కూడా సన్నగిల్లుతున్నట్లే అనిపిస్తుంది.