Revanth Reddy : దెబ్బతీయాలని చూస్తే ఊరుకునేది లేదు

భేషజాలకు, పంతాలకు, పట్టింపులకు పోకుండా తెలంగాణ ప్రయోజనాలను కాపాడుకోవడానికే తాము ప్రయత్నిస్తున్నామని రేవంత్ రెడ్డి తెలిపారు. అధికారంలోకి వచ్చిన వందరోజుల్లోపే ఎన్నికలలో ఇచ్చిన హామీలను అమలు పర్చామని తెలిపారు. ఇచ్చిన హామీలన్నింటినీ అమలు చేయాలన్నదే మన ఉద్దేశ్యమని అన్నారు. ప్రభుత్వ ఉద్యోగులకు ప్రతి నెల ఒకటో తేదీ జీతాలు చెల్లిస్తున్నామని తెలిపారు. పదేళ్లలో వంద సంవత్సరాలకు సరిపడా విధ్వంసం జరిగిందన్నారు. తమ జోలికి రావద్దని, వస్తే ఊరుకునేది లేదని ఆయన హెచ్చరించారు. అన్ని వర్గాలకు న్యాయం చేయాలన్న లక్ష్యంతోనే తమ ప్రభుత్వం పనిచేస్తుందని ఆయన తెలిపారు.