బాబుతో అమరావతి జేఏసీ భేటీ

చంద్రబాబుతో అమరావతి పరిరక్షణ సమితి ప్రతినిధుల భేటి అయ్యారు. అమరావతి పరిరక్షణ సమితి ప్రతినిధులు మంగళవారం ఎన్టీఆర్ భవన్ లో తెలుగుదేశం పార్టీ అధ్యక్షులు నారా చంద్రబాబు నాయుడును కలిసి తమ ఆందోళనకు మద్దతివ్వాలని కోరారు. రాజధానిని ఇక్కడనుంచి తరలించాలని రాష్ట్ర ప్రభుత్వం చేస్తున్న ప్రయత్నాలపై వివిధ సంఘాల ప్రతినిధులు చంద్రబాబు ఎదుట ధ్వజమెత్తారు. అన్ని ప్రాంతాలకూ అనుకూలంగా ఉన్న రాజధాని అమరావతిని మూడు ముక్కలు చేయడాన్ని వారు ఈసందర్భంగా ప్రస్తావించారు. అలాగే హైకోర్టును కూడా తరలించడానికి తాము వ్యతిరేకమని చెప్పారు. విశాఖలో తమ భూముల ధరలను పెంచుకోవడానికే ఎగ్జిక్యూటివ్ క్యాపిటల్ అంటూ కొత్త నాటకాలకు తెరతీస్తున్నారంటూ వారు ధ్వజమెత్తారు.