Amaravathi : నేటి నుంచి రైతుల మహా పాదయాత్ర

అమరావతి రైతులు నేటి నుంచి మహా పాదయాత్ర చేయనున్నారు. ఉదయం 9.30 గంటలకు ఈ యాత్ర ప్రారంభం కానుంది. న్యాయస్థానం టు దేవస్థానం పేరుతో ఈ యాత్ర జరుగుతుంది. తుళ్లూరు నుంచి తిరుపతి వరకూ మొత్తం 45 రోజుల పాటు ఈ పాదాయాత్ర జరగనున్నట్లు చెప్పారు. అమరావతిని రాజధానిగా కొనసాగించాలని కోరుతూ రైతులు మహా పాదయాత్ర చేపట్టారు. ప్రభుత్వం షరతులతో కూడిన అనుమతులను ఇచ్చింది.

నాలుగు జిల్లాల్లో….

మహాపాదయాత్ర మొత్తం నాలుగు జిల్లాలను టచ్ చేస్తూ వెళుతుంది. గుంటూరు, ప్రకాశం, నెల్లూరు, చిత్తూరు జిల్లాల్లో పాదయాత్ర జరిగేందుకు అమరావతి పరిరక్షణ సమితి అన్ని ఏర్పాట్లు చేసింది. కోవిడ్ నిబంధనలను పాటిస్తూ పాదయాత్ర చేపడతామని చెబుతున్నారు. రైతుల మహాపాదయాత్రకు అధికార వైసీపీ మినహా అన్ని పార్టీలూ మద్దతు తెలిపాయి.