ఎలక్షన్ కేబినెట్ ఇదేనా?

అయితే వైసీపీ ప్లీనరీ లోపే మంత్రి వర్గ విస్తరణ ఉంటుందన్నది మాత్రం వాస్తవం. ఈ నెల 15న వైసీపీ శాసనసభ పక్ష సమావేశం జరగనుంది. ఈ సమావేశంలో దీనిపై మరింత క్లారిటీ వచ్చే అవకాశముంది. ప్రస్తుతం ఉన్న మంత్రివర్గంలో 90 శాతం మందిని తొలగించడం గ్యారంటీ అంటున్నారు. ఇప్పటికే జిల్లాల వారీగా, సామాజికవర్గాల వారీగా కసరత్తులు చేసిన జగన్ పూర్తి స్థాయి విస్తరణకు రెడీ అవుతున్నారు.

ప్రస్తుత మంత్రివర్గంలో ఉన్న వారిలో బొత్స సత్యనారాయణ, పెద్దిరెడ్డి రామచంద్రారెడ్డి, పేర్ని నాని, కొడాలి నాని వంటి వారికి కొనసాగింపు ఉంటుందని చెబుతున్నారు. మిగిలిన వారందరికీ ఉద్వాసన ఖాయమని జగన్ ఇప్పటికే సంకేతాలు ఇచ్చారు. అంటే 19 మంది మంత్రుల్లో నలుగురు తప్ప 15 మంది సర్దుకోవాల్సిందే. వారి స్థానంలో కొత్త వారిని ఎంపిక చేయనున్నారు. ఈ కేబినెట్ ఎన్నికల కేబినెట్ కాబట్టి బలమైన నేతలకు మంత్రి వర్గ బాద్యతలను అప్పగించే ఆలోచనలో జగన్ ఉన్నారు.

ప్రస్తుతం ఉన్న మంత్రులకు జిల్లా బాధ్యతలను అప్పగించి వారికి పార్టీ బలోపేతం చేయడానికి వినియోగిస్తారు. కొత్తగా వచ్చే మంత్రులు, జిల్లా ఇన్ ఛార్జులుగా నియమితులైన మాజీ మంత్రులు కలసి పార్టీని వచ్చే ఎన్నికల్లో గట్టెక్కించాల్సి ఉంటుంది. అయితే ఈసారి సీనియర్లకు జగన్ అవకాశమిస్తారా? లేక ఎన్నికల కేబినెట్ కాబట్టి యువకులకు ప్రాధాన్యత ఇస్తారా? అన్నది చూడాల్సి ఉంది. మొత్తం మీద జగన్ మంత్రి వర్గ విస్తరణపై కసరత్తు చేస్తున్నారు. ఎవరు ఇన్? ఎవరు అవుట్? అన్నది తేలాల్సి ఉంది.