puneeth rajkumar : సూపర్ స్టార్ మృతి.. శోకసంద్రంలో శాండిల్ వుడ్

కన్నడ సూపర్ స్టార్ పునీత్ రాజ్ కుమార్ మృతి చెందారు. ఈ మేరకు అధికారికంగా వైద్యులు ప్రకటించారు. ఈరోజు ఉదయం జిమ్ చేస్తుండగా గుండెపోటుకు గురైన పునీత్ రాజ్ కుమార్ ను వెంటనే కుటుంబ సభ్యులు ఆసుపత్రికి తరలించారు. వైద్యులు శ్రమించినా ఫలితం దక్కలేదు. బెంగళూరు విక్రమ్ ఆసుపత్రిలో చికిత్స పొందుతూ పునీత్ రాజ్ కుమార్ మృతి చెందినట్లు ప్రకటించారు.

జూనియర్ కు వీరాభిమాని…..

పునీత్ రాజ్ కుమార్ కన్నడ కంఠీరవ రాజ్ కుమార్ మూడో కుమారుడు. చిన్న నాటి నుంచే సినిమాల్లో నటించారు. మొత్తం 29 సినిమాల్లో నటించారు. ఆయన తెలుగులో యువరత్నం చిత్రం ద్వారా ప్రేక్షకులకు పరిచయమ్యారు. జూనియర్ ఎన్టీఆర్ అంటే పునీత్ రాజ్ కుమార్ కు ఎంతో ఇష్టం. ఆయన తన అభిమాన నటుడు కావడంతో కన్నడలోని తన సినిమాలో ఎన్టీఆర్ చేత పాట పాడించుకున్నారు. ఆ పాట కన్నడ నాట సూపర్ హిట్ అయింది. పునీత్ రాజ్ కుమార్ మృతితో కన్నడ నాట విషాదం అలుముకుంది.