వివేకా హత్య కేసు : సీబీఐ నోటీసులను తీసుకోని అవినాష్ రెడ్డి ?

కడప : మాజీ మంత్రి వైఎస్ వివేకానందరెడ్డి హత్యకేసు రోజుకో కీలక మలుపు తిరుగుతోంది. ఇటీవల వివేకా కుమార్తె సునీతా.. పలువురిపై సంచలన ఆరోపణలు చేసిన సంగతి తెలిసిందే. తన తండ్రి హత్యలో కొంతమంది హస్తం ఉందంటూ ఆమె ఇచ్చిన వాంగ్మూలం ఆధారంగా.. సీబీఐ కేసు దర్యాప్తును ముమ్మరం చేసింది. ఈ కేసులో ఇప్పటివరకూ 207 మందిని సీబీఐ అధికారులు విచారించి, 146 మంది నుంచి వాంగ్మూలాలను తీసుకున్నారు. కొందరు ఇచ్చిన వాగ్మూలంలో ఎంపీ అవినాశ్ రెడ్డి, అతని తండ్రి భాస్కర్ రెడ్డిల పేర్లు ప్రధానంగా వినిపించాయి. దాంతో సీబీఐ వారిని విచారించేందుకు రంగం సిద్ధం చేసింది.