నేడు గుంటూరులో లోకేష్ పర్యటన

తెలుగుదేశం పార్టీ జాతీయ ప్రధాన కార్యదర్శి నారా లోకేష్ నేడు గుంటూరులో పర్యటించనున్నారు. నిన్న హత్యకు గురైన రమ్య కుటుంబ సభ్యులను లోకేష్ పరామర్శిస్తారు. పార్టీ వారికి అండగా ఉంటుందని భరోసా ఇవ్వనున్నారు. స్వాతంత్ర్య దినోత్సవం నాడు రమ్య అనే బిటెక్ విద్యార్థిని గుంటూరులో దారుణ హత్యకు గురైన సంగతి తెలిసిందే. ఈ ఘటనలో ఇప్పటికే పోలీసులు నిందితుడిని అరెస్ట్ చేశారు. ఈ నేపథ్యంలో లోకేష్ గుంటూరులో పర్యటించి రమ్య కుటుంబానికి అండగా నిలవాలని నిర్ణయించారు.