మరోసారి మోదీ ముఖ్యమంత్రులతో?

ప్రధాని నరేంద్ర మోదీ మరోసారి అందరు ముఖ్యమంత్రులతో భేటీ కానున్నారు. మే 17వ తేదీతో మూడో విడత లాక్ డౌన్ ముగుస్తుండటంతో మోదీ వీడియో కాన్ఫరెన్స్ ద్వారా సీఎంలతో మాట్లాడనున్నారు. ఈ నెల 12వ తేదీన ముఖ్యమంత్రులతో మోదీ మాట్లాడే అవకాశముంది. లాక్ డౌన్ లో ఇప్పటికే కొన్ని మినహాయింపులు ఇచ్చిన మోదీ ప్రభుత్వం మరోసారి లాక్ డౌన్ ను పొడిగించాలా? లేక పూర్తిగా తొలగించాలా? అన్న దానిపై మోదీ సీఎంలతో చర్చిస్తారు. దీంతో పాటు ప్రజా రవాణా వ్యవస్థ ను పునరుద్ధరించే విషయంపై కూడా ముఖ్యమంత్రుల అభిప్రాయాలను తీసుకోనున్నారు. లాక్ డౌన్ నిబంధనల అమలు అంశంపై కూడా మోదీ మాట్లాడనున్నారు.