నేడు మంత్రి మండలి సమావేశం.. పోతిరెడ్డిపాడుపై

నేడు తెలంగాణ మంత్రి మండలి సమావేశం జరగనుంది. ముఖ్యమంత్రి కేసీఆర్ అధ్యక్షతన జరిగే ఈ సమావేశంలో పలు కీలక నిర్ణయాలు తీసుకోనున్నారు. కొత్త సచివాలయం నిర్మాణానికి సంబంధించి ఈ సమావేశంలో డిజైన్లను మంత్రిమండలి ఖరారు చేయనుంది. అలాగే రాష్ట్రంలో కరోనా వైరస్ వ్యాప్తి, ప్రయివేటు ఆసుపత్రుల దోపిడీ తదితర అంశాలపై కేబినెట్ లో చర్చించనున్నారు. దీంతో పాటు పోతిరెడ్డి పాడు సామర్థ్యం పెంపుపై కూడా కేసీఆర్ మంత్రి వర్గంలో చర్చించనున్నారు. అపెక్స్ కమిటీ సమావేశాన్ని ఈ నెల 20వ తేదీన నిర్వహించాల్సిందిగా కేంద్ర జలవనరుల శాఖకు కేసీఆర్ సూచించిన సంగతి తెలిసిందే. అపెక్స్ కమిటీలో చర్చించాల్సిన విషయాలపై కూడా ఈ సమావేశంలో మంత్రుల దృష్టికి కేసీఆర్ తేనున్నారు.